गजल (प्रेम दिवस बिशेष )

प्रेम दिवस आएपनी तिमीबिना के गर्छु म ?
समिपैमा आइदेउ प्रिय अङालोमा भर्छु म

गुलाबको फुल दिएर आइ लभ यू भन्नु है ?
शर्माउदौ नजर झुकाइ तिमीतिरै सर्छु म

तिम्रो साथ पाए पुग्छ अरु चाह छैन मलाई
अटल प्रितीको सुगन्ध तिमी माथिनै छर्छु म

मदहोस् भै सबै प्रेमी प्रेमिका लुप्त हुन्छन
तिम्रै कमी महसुस हुन्छ र इर्श्याले मर्छु म

सात समुन्द्रको बिचमा आसाको पुल बाधेर
पर्खिनेछु आउनु है त मिल्ने भरमा पर्छु म

कल्पना पौडेल "जिज्ञासु"
गैडाकोट,४,नवलपरासी
हाल:इजरायल

विश्वमा अन्तराष्ट्रिय नेपाली एकता समाजका सन्जालहरु फक्रदै

विश्वमा अन्तराष्ट्रिय नेपाली एकता समाजका सन्जालहरु फक्रदै गैरहेका छन, यसरी समाजका सन्जालहरु फैलनुका पछाडि एकता समाज मजदुर हरुको हक र हितको लागि समर्पित बन्नु नै हो। हुन पनि विश्वमा जहाँ नेपाली त्यहा एकता समाज गठन भैरहेको छ। २०१२ अक्टोबर ३० मा बसेको अन्तराष्ट्रिय नेपाली एकता समाज केन्द्रिय समितिको बैठकले आफ्नो सन्जाल को सम्भाबिक श्रेत्र इज्रायल्,दक्षिण कोरिया,र अमेरिका मा बैधानिक रुपले सङ्गठन गठन ...

गर्ने निर्णय गरेको थियो। जहाँ आज सम्म एकता समाज आन्तरिक रुपले चलिरहेको छ।आज सम्म ति देशहरुमा नेपालीहरु सिमित मात्रामा भएकोले आन्तरिक रुपले चलाऊदा पनि केही हद सम्म मजदुरका समस्या समाधान भएका थिए भने आज आएर उल्लेख्य रुपमा नेपाली मजदुरहरु ति देशहरुमा पुगेका र ति मजदुरहरुले आफ्नो समस्या समाधानको लागि पनि एकता समाज आवश्यकता भएको जानकारी दिदै बैधानिक रुपले नै एकता समाज गठन हुनुपर्ने माग बारम्बार गरेकाले र आफ्ना देशका मजदुरहरुको समस्या समाधान गर्न को लागि एकता समाज बैधानिक रुपले गठन गर्न लागिरहेका छौ भन्नु हुन्छ एकता समाज का केन्द्रिय अध्यक्ष मित्रलाल शर्मा ।

दक्षिण कोरियामा नेपाली एकता समाज गठनको प्रक्रिया तत्कालै अगाडि बडिरहेको हुँदा दक्षिण कोरियामा रहनु भएका हाम्रा सुभचिन्तक साथीहरुले निम्न फोन मा वा ईमेल मा संपर्क गरी सुझाब सल्लाह र सहयोग गरी दिनुहुनको लागि अन्तराष्ट्रिय नेपाली एकता समाज बिनम्र अनुरोध गर्दछ।

संपर्क-बिदुर शर्मा 

फोन नम्बर-००८२१०३१४८६२६२ 

ईमेल-sharma_bidur@yahoo.com

स्मरण रहोस कि- आज सम्म अन्तराष्ट्रिय नेपाली एकता समाजका सन्जाल लगभग २८ वटा देशमा स्थापित छन।

यो दिल भित्र सधै तिम्रै नाम लेख्छु

यो दिल भित्र सधै तिम्रै नाम लेख्छु

आँखा खोले तिमि आँखा चिम्ले तिमि जे गरेनी मत तिम्लाई मात्रै देख्छु....

नबोदित गायिका रत्ना बराइली को पहिलो प्रस्तुतिका रुपमा यो गीत अहिले विभिन्न संचार माध्यमहरुमा

 प्रसारण भैरहेको छ,लोकप्रिय गायक बिमल डाँगी संगको सहकार्यमा तयार भएको यो गीतलाई लोकसंगीतका पारखीहरुले निकैनै मन पराएका छन् यो गीतको सी आर बि टी- ०१६००१६४१४, पी आर बि टी -६०५१६७९८ रहेको छ,साथै छिटै नै कतार,दुबई,बहराइन लगाएतका देश हरुको लागि पनि डिजिटल नं. आउने

 कुरा बिन्दबासिनी म्युजिक ले बताएको छ, |

नेपालीकी छोरी भन्छौ खैत गुन्यु चोली

हातमा चुरोट खैरो कपाल अंग्रेजीमा बोलि

भुलेउ क्यारे तिम्ले हाम्रो भाषा भेषलाई

तर कैलेई नभुल प्राण भन्दा पनि प्यारो हाम्रो देशलाई

बिन्दबासिनी म्यूजिकले बजारमा ल्याएको यो एल्बम भित्र माया-पिरतीका बिषय संगै नेपाली संस्कृति,भाषा-भेषका

 कुरा हरु समेटिएको यो अर्को गीत पनि समाबेश रहेको छ,जुन गीतलाई सम्भब भए सम्म अमेरिकामै शुटिंग गर्ने सोच गायिका रत्ना बराइलीले को रहेको छ |पहिलो प्रयाशमै सबैले राम्रै प्रतिक्रिया दिएका कुरा रत्ना बताउछिन |

भबिस्यमा अझै राम्रा-राम्रा गीत स्रोतामाझ ल्याउने र नेपाली गीत-संगीतमा निरन्तर रुपमा लाग्ने

 प्रण गरेकी रत्नाको यो अल्बम सफल हुने कुरामा सफल गायक/संकलक बिमल डाँगी ढुक्क छन् |चल्तिमै रहेका गायिका भन्दा रत्नाको गायनशैलीमा कुनै कमि नभएको र नियमित अभ्याश गरेमा रत्नाले सबै किसिमका गीत गाऊन सक्ने कुरा बिमल डाँगीले बताए |

प्रवासीले पत्रकारलाई पुरस्कार दिने

गोपाल कंडेल

बागलुङ/जिल्लाबाट प्रवासमा गएर पनि विभिन्न सामाजिक क्रियाकलापमा क्रियाशिल रहेका युवाहरुको संगठन बागलुङ सेवा समाज यूएईले बागलुङ जिल्लालाई कार्यथलो बनाएर पत्रकारिता गर्ने २ जना पत्रकारलाई पुरस्कृत गर्ने भएका छन् ।
समाजको निर्णय अनुसार बागलुङमा क्रियाशिल १ जना महिला र एक जना पुरुष पत्रकारलाई जनही नगद ५ हजार रुपैयासहित पुरस्कृत गरिने समाजका महासचिव केदारसि“ह नेपालीले जानकारी दिनुभयो । पुरस्कारका लागि पत्रकारहरुको छनौट गर्नका लागि नेपाल पत्रकार महासंघ बागलुङका अध्यक्ष रामबहादुर जिसीको संयोजकत्वमा ७ सदस्यीय छनौट समिति गठन गरिएको छ ।
समितिमा बागलुङ सेवा समाज यूएईका महासचिव केदारसिंह नेपाली, नेपाल प्रेस यूनियन बागलुङका सल्लाहकार जगन्नाथ आचार्य, प्रेस चौतारीका केन्द्रीय सदस्य रामकृष्ण शर्मा, क्रान्तिकारी पत्रकार संघ बागलुङका सल्लाहकार कृष्ण केसी, क्रान्तिकारी पत्रकार महासंघ बागलुङका अध्यक्ष महेन्द्र घर्ती र प्रगतिशिल पत्रकार संघका विजय राना रहनु भएको छ ।
समितिले पत्रकारहरुको छनौट गरेपछि कार्तिक महिनामै उक्त पुरस्कार प्रदान गरिने महासचिव नेपालीले जानकारी दिनुभएको छ । बागलुङ सेवा समाज यूएईले गतवर्ष रेश गाविसमा पहिरोमा परी पीडित भएकाहरुका लागि आदर्श सञ्चार सहकारी संस्था लि. बागलुङले सञ्चालन गरेको पहिरो पीडित राहत कोष मार्फत पीडितहरुलाई ३० हजार रुपैया“ आर्थिक सहयोग गरेको थियो ।

एकान्त यो प्रहरमा घर सम्झी रुन्छु सधैं

एकान्त यो प्रहरमा घर सम्झी रुन्छु सधैं
रात भरी रुदै आसुले सिरानी धुन्छु सधैं

प्रबासी यो जिन्दगीमा ठक्कर हन्डर खादा
अतासिन्छु रुदै अन्जुलिले मुख थुन्छु सधैं

कस्ले बुज्नु मेरो बेथा धेरै दु:ख पाएकीछु
खानु छैन पेट भरी भोको पेटमै सुत्छु सधैं

सम्झिदा आफन्तलाई छिया छिया हुन्छ मन
सन्तानको झल्को आउँदा पागल झै हुन्छु सधैं

उन्कै नाम लिदै म बर्बराउछु निदरिमा
सपनीमा आमा भनी बोलाएको सुन्छु सधैं

कल्पना पौडेल "जिज्ञासु"
गैडाकोट,४,नवलपरासी
हाल:इजरायल

प्रवासी नेपाली संघ यूएइको आयोजनामा बडा दशैं २०६९ को उपलक्ष्यमा पिकनिक कार्यक्रम गर्ने तयारी

उत्तम अधिकारी, यूएइ - बडा दशैं २०६९ को आगमन संगै मानिसहरूको चहल पहलले यतिबेला नेपाली बजार रंगिएको छ र नेपाल भरी बिभिन्न मनोरन्जनात्मक कार्यक्रमहरू धमाधम आयोजना भई रहेका छन् । यतिबेला स्वदेशमा मात्रै हैन प्रवासमा रहेका नेपाली समुदायहरू पनि उत्तिकै तातेका छन् । युएइ प्रवासमा गत केही समय देखि हप्तै पिच्छे बिबिध सांस्कृतिक कार्यक्रमहरूको आयोजना निरन्तर भईरहेका छन् । यहाँ धेरै नेपाली संघ संस्थाहरू भएका कारण प्राय कार्यक्रमहरू जुध्ने पनि गरेका छन् । त्यसो त युएइ प्रवासमा नेपाली श्रमिकहरूको उपस्थिती पनि ठुलै संख्यामा रहेको कारणले कार्यक्रमहरू जुध्दा समेत तिनमा दर्शकको उपस्थिती बाक्लै हुने गरेको छ ।  

यसै शिलशिलामा बिजया दशमीको नजिकै पारेर बिगत लामो समय देखि युएइ प्रवासमा कार्यरत प्रवासी नेपाली संघ युएइले "बडा दशैं २०६९ को भेटघाट तथा शुभकामना आदान प्रदान सहितको पिकनिक"  कार्यक्रमको आयोजना गर्ने भएको छ । आगामी १९ अक्टोबर २०१२ का दिन दुबइको जाबिल पार्कमा आयोजना हुने उक्त कार्यक्रमका संयोजक संघका केन्द्रीय सदस्य तथा प्रवासी नेपाली युवा संघ युएइका अध्यक्ष महेश गिरीले दशै समस्त नेपालीहरुमा निकटता र भाइचारा बढाउने तथा एक आपसका तिक्तता र कटुताहरू मेट्दै सामिप्यता बढाउने र दु:ख पीडाहरू भूलेर एक आपसमा मिलेर खुसियालिपुर्बक साथ साथ मनाउने राष्ट्रिय पर्वको रुपमा रहेकाले प्रवासी नेपाली संघले युएइ प्रवासमा रहनु भएका सम्पुर्ण संगठन, संघ संस्थामा आबद्ध नेपाली समुदाय तथा आम नेपाली दाजुभाइ, दिदिबहिनिहरूलाई कार्यक्रममा सहभागी हुनको लागि अनुरोध गर्नु भएको छ । 

उक्त भेटघाट तथा शुभकामना आदान प्रदान सहितको पिकनिक कार्यक्रमका व्यवस्थापन प्रमुख संघकै केन्द्रीय सदस्य प्रकाश कोइरालाका अनुसार कार्यक्रमलाई रोचक र मनोरन्जनात्मक बनाउनका लागि शुभकामना आदान प्रदानका साथ साथै नाचगान र दुई चरणको खानाको व्यवस्था गरिएको छ । "दशै भन्ने बित्तिकै अधिकांस नेपालीहरूको घर घरमा खसी काटेर रमाइलो गरि मनाइने पर्ब भएकाले हमिले पनि यस कार्यक्रममा ४ वटा खसी काटेर परिवारको साथमा नेपालमै भएको झल्को आउने गरि कार्यक्रमको तयारी गरेका छौं", उहाँले भन्नु भयो । उहाँका अनुसार कार्यक्रममा सरिक हुनेहरुका लागि बिशेष पासको व्यवस्था गरिएको र कार्यक्रमको अघिल्लो दिन सम्म पास लिईसकेकाहरूलाई मात्रै कार्यक्रममा समाबेश गराइने तथा अबुधाबीबाट कार्यक्रममा सरिक हुनेहरुका लागि आयोजकको तर्फबाट यातायातको व्यवस्था समेत मिलाइएको छ । 

कार्यक्रमको पास प्राप्त गर्न तथा अन्य बिबिध जानकारीको लागि निम्न व्यक्तिहरू सँग सम्पर्क गर्नको लागि संघले सबैमा अनुरोध गरेको छ ।

सम्पर्क

महेश गिरी (आबुधाबी) 055-1835640, उत्तम अधिकारी (अबुधाबी) 050-5365629, गितामणी पाण्डे (दुबइ) 055-7561292, युबराज भुसाल (दुबइ) 050-7295790, भिम गुरुङ (जेबेल अली -दुबइ) 055-9911417, प्रकाश कोइराला (शारजाह) 050-6581443, श्याम कंडेल (शारजाह) 055-1325432, लीला प्रसाद उप्रेती (बिदा जायेद) 055-4491705, श्याम पाठक (अल ऐन) 050-9085503, लक्ष्मण अधिकारी (अल ऐन)  055-3178201, नबराज पौडेल (रास अल खैमाह)  050-7380834

कार्यक्रम 

मिती : १९ अक्टोबर २०१२ शुक्रबार

समय : दिनको १ बजे

स्थान : जाबिल पार्क (दुबइ)

सुर्य र चन्द्र अंकित झन्डा हाम्रो झुक्ने छैन

सुर्य र चन्द्र अंकित झन्डा हाम्रो झुक्ने छैन
जलको धनी नेपाल यो कहिल्यै सुक्ने छैन

सान्तिको देस पौरखी हात गर्दैनौ गुलामी
निसानी छोडि दुनियाँ माझमा चुक्ने छैन

चिनारी हाम्रो विश्वभरमा गोर्खाली नामको
कुनै देस सामुन्ने शरण पर्न पुग्ने छैन

अस्तित्व राख्दै देसको हाम्रो अगाडि बढेर
लक्ष्यमा पुग्दै शिखर चुम्छौ रुक्ने छैन

सद्ज्ञानको अर्थी बाढौ बुद्धको यो देसमा
सान्ती छाए नेपालमा कसैले थुक्ने छैन

कल्पना पौडेल 'जिज्ञासु'
–गैंडाकोट–४ नवलपरासी, (हाल इजरायल)

सम्झना लामिछाने मगरले अबुधावीमा तीजलाई तताईन

लालबहादुर ढेंगा, दुबई, युएई, अबुधावी । नेपाली हिन्दु महिलाहरुको महान चाड हरितालिका तीजलाई युएईका महिलाहरुले गत ७ सेप्टेम्बर शुक्रबारका दिन अबुधावीको इण्डियन सोसियल सेन्टरमा आफ्नो परम्परा र रितीरिवाज अनुसार धुमधांमका साथ मनाएका छन् । नेपाली जनसम्पर्क समिति युएईको अबुधावी क्षेत्रीय समितिले आयोजना गरेको तीज कार्यक्रममा नेपालका लोक दोहोरी क्षेत्रकी चर्चित गायिका सम्झना लामिछाने मगरको प्रस्तुतिका साथ स्थानीय ख्यातिप्राप्त कलाकारहरुले आफ्नो कला प्रस्तुत गरेका थिए । 

वैदेशिक रोजगारीमा रहेका प्रवासी नेपालीहरुले प्रवासको भूमिमा पनि आफ्नो चाड पर्वलाई पूर्खाबाट चलिआएको रितीरिवाजलाई कायम राख्दै रमाइलोसंग मनाउने प्रचलनमा ल्याएको पाईन्छ । गत शुक्रबारका दिन युएईका महिलाहरुले अबुधावीको सहरमा हरितालिका तीजलाई आफ्नो परम्परागत पहिरन रातो साडी र छडके तिलहरीमा सजिएर कम्मर मर्काई–मर्काई नाचेको देख्दा विदेशमा नभईकन आफ्नै स्वदेशमा भएको अनुभूति हुन्थ्यो । सार्वजनिक शुक्रबारे विदाका दिन भएकाले महिलाहरुको ठूलो जमघट हुनुका साथ हरेक महिलाहरुको चेहरामा उत्साह र रौनक देख्न सकिन्थ्यो । माइत गई दर खान नपाए पनि स्टेजमा ढलकी–ढलकी नाचेर माइतीका तिर्सना मेताए । धेरै महिलाहरुमा नाच्नलाई उत्सुकता भएता पनि स्टेज सानो र नाच्नेहरुको घुइचो भएकाले नाच्नलाई मन मार्न समेत बाध्ये भएका थिए । स्टेजमा नाच्नेहरुको संख्या हेर्दा महिलाहरु कार्यक्रममा सहभागिता हुन नभईकन केवल नाच्न मात्र आएको आभास हुन्थ्यो । 

बिदेसको गल्ली गल्ली हिन्दै छु आमा - कल्पना पौडेल 'जिज्ञासु'

बिदेसको गल्ली गल्ली हिन्दै छु आमा
भोको पेटमा झोला बोकी खोज्दै काम

खाडी मुलुक चर्को घाम हातमा पैसा छैन
धेरै दिन भो काम छुटेको खान पा छैन

घरको जाहान क्यारी पाल्ने पोल्छ सधैं छाती
दु:खको पहाड टुट्यो आमा गरीब माथि

नर्कै भयो आज हामी गरीबको जूनी
जहाँ गए नि कर्म सङै सुख नहुनी

साहुको रिण तिर्न सके फर्किन्थे म घरमा
बाड्थौ दु:ख सुख परिवार सङै भएर

–गैंडाकोट–४ नवलपरासी, (हाल इजरायल)

तीजपर्व : आवश्यकता रूपान्तरणको – कल्पना पौडेल “जिज्ञासु”

जनसंख्याको आधा भाग ओगटेका महिलाहरू आज विभिन्न समस्यामा जकडिएर बाँच्न बाध्य छन् । गरिबी, अशिक्षा, अज्ञानता, हत्या, हिंसा जस्ता समस्याबाट आज महिलाहरू अत्यन्त प्रताडित छन् । सामन्तवादी समाजले महिलालाई सधै दोस्रो दर्जाको नागरिक , पुरूषका मनोरन्जनको साधन चरणकी दासी र बच्चा जन्माउने मेसिनको रूपमा हेर्दै आएको छ । पढ्ने, लेख्ने, घरबाहिर आफू खुशी हिंड्डुल गर्ने, राजनैतिक, सामाजिक, शैक्षिक, आर्थिक जस्ता नैसर्गिक अधिकारबाट महिलाहरू बञ्चित छन् । हिन्दु धर्म र सामन्ती परम्पराले नेपाली महिलाहरूलाई लामो समयदेखि गहिरो प्रभाव पार्दै आइरहेको छ ।  धर्म र पम्परासँग जोडिएका थुप्रै चाडपर्वहरू हाम्रो समाजमा स्थापित छन् । ती मध्य तीज पर्वलाई नेपाली महिलाहरूले एक महान पर्वका रूपमा मनाउँदै आइरहेका छन् । तीजका अवसर पारेर एक ठाउँमा भेला भएर नेपाली दिदीबहिनीहरूले आफूहरूमाथि भएका सामाजिक, पारिवारिक, अन्याय, अत्याचार, हिंसा र घरपरिवारका समस्याका साथै आफ्ना मनका कथा, व्यथा गीतको रूपमा पोखे प्रचलन छ ।

 समाजले रूढीवादी र अन्धविश्वासलाई धर्मको नाममा  महिलाहरूमाथि जवरजस्ती थोपरी दिएको छ । जसको फलस्वरूप कृष्णाष्टमी, तीज र पंचमीमा महिलाहरू ब्रत बस्ने गर्दछन् र त्यसरी ब्रत बसेमा विवाहित महिलाहरूको श्रीमानको आयु बढ्ने, अविवाहित किशोरीहरूले राम्रो र धनी श्रीमान पाइने जस्ता अन्धविश्वासहरूबाट नेपाली महिला ग्रसित छन् । अर्कोतर्फ तीजलाई माइत जाने , मिठो खाने, राम्रो लुगा र गहना लगाउने चाडको रूपमा पनि हेरिन्छ । जसरी पनि मिठो खाने, राम्रो लुगा, गहना लगाउनुपर्ने प्रचलनले गर्दा समाजमा विकृति पैदा भैरहेको छ । यसो हेर्दा तीज पर्वले एकातिर आफ्नो पीडा पोख्न पाउने, वर्षौंदेखि माइती नगएका महिलाहरू पनि माइत जान पाउने स्वतन्त्रता दिएको जस्तो देखिन्छ भने अर्कोतर्फ युगौं देखि रूढीवादी, अन्धविश्वासले महिलाहरूलाई जकडाइरहेको छ । महिलामाथि हुने दाइजो, छाउपडी, बोक्सी, कुमारी, झुमा, बुर्का, जवरजस्ती विवाह, बहुविवाह जस्ता विभिन्न सामन्ती परम्परावादी पुरूषप्रधान प्रथाहरूले आज २१ औं शताब्दीमा पनि नेपाली महिलाहरूलाई उठ्नै नसक्नेगरी च्यापिरहेका छन् । महिला हिंसा, बलात्कार जस्ता जघन्य अपराधका घटनाहरू  आज पनि घटिरहेका छन् ।

तिजको लयमा एउटा गीत गाउँछु है

– कल्पना पौडेल “जिज्ञासु”

तिजको लयमा एउटा गीत गाउँछु है
मनको बेदना गीतमै पोख्छु है

जहिले सुकै नारीमाथि अत्याचार भैरहने
कहिलेसम्म लाचार बनि सबै सहिरहने

श्रीमानले हत्या गरे नातिले बलात्कार
नयाँ युगमा पनि हाम्लाई कस्तो व्यभिचार

आठ वर्षे बालिकानी बलात्कृत भएका छन्
बोक्सी भनी महिलालाई के के ख्वाएका छन्

पद अनि पावरको धम्की दिंदै ठगेर
जिउँदै चेली जलाका”छन् जंगल लगेर

नारीमाथि हिंसा यो दिनहुँ बढ्दैछ
कानुनको नजर खै कता मर्दैछ

Nepali Song-सिमली छाँयामा बसी

सिमली छायामा बसी जिबन शर्माको आवाजमा रहेको यो भिडियो तपाईंहरुको लागि । 

नेपाली एकता समाज युएईको प्रथम पार्षद भेला तथा बिदाई कार्यक्रम सम्पन्न

लालबहादुर ढेंगा, दुबई, युएई । गत ३१ अगस्त शुक्रबारका दिन दुबईको एभरेष्ट होटलमा नेपाली एकता समाज युएईले पार्षद भेला तथा विविध सांस्कृतिक कार्यक्रमका बीच पूर्वअध्यक्ष मानबहादुर थापालाई बिदाई गरेको छ । पूर्वअध्यक्ष मानबहादुर थापा स्वदेश नेपाल फर्कने भएपछि रिक्त रहेको अध्यक्ष पदमा कृष्ण केसी र उपाध्यक्षको पदमा चिरन केसीलाई नियुक्ती गरेको छ ।

उक्त पार्षद भेला तथा बिदाई कार्यक्रमको प्रमुख अतिथिमा नेपाली समाज युएईका अध्यक्ष कृष्ण ढकाल रहेको थियो भने बिशेष अतिथिमा मानबहादुर थापा रहेको थियो । लेखनाथ अधिकारीले अध्यक्षता गरेको कार्यक्रममा अन्य अतिथिहरुको रुपमा विभिन्न संघ संस्थाका प्रतिनिधिहरु, समाजसेवी, बुद्धिजीवि र पत्रकारहरु रहेका थिए । पहिलो चरणमा पार्षद भेला र दोस्रो चरणमा बिदाई र सांस्कृतिकको प्रस्तुति गरि दुई चरणमा विभाजित गरिएको कार्यक्रमको संचालन रेशम सापकोटाले गरेको थियो । 

राष्ट्रिय जनअभियानको टोलि माथि भएको आक्रमणको यूएई नेपाली एकता समाज तथा ओमन स्थित ओमन नेपाली एकता समाज द्वारा भर्त्सना

शालिकराम आचार्य-ओमन सहयोगी-यूएई डेस्क-गणतन्त्र,शान्ति र राष्ट्रियता तथा संघीयताका विरुद्धमा देशव्यापी रुपमा राष्ट्रिय जनअभियान संचालन गरिरहेको राष्ट्रिय जनमोर्चाको टोलि माथि केही दिन अगाडि झापाको विर्तामोड र दमकमा संघीय लिम्बुवान राज्य परिषद्(सन्जुहाङ समूह)का कार्यकर्ताहरुले गरेको आक्रमणको ओमन नेपाली एकता समाज मस्कट र यूएई नेपाली एकता समाज ले छुट्टाछुट्टै रुपमा प्रेस बिज्ञप्ती प्रकाशन गरी घोर भर्त्सना गरेका छन।

ओमन नेपाली एकता समाजका अधक्ष्य शोभाखर लामिछाने तथा यूएई नेपाली एकता समाजका अधक्ष्य मान बहादुर थापा द्वारा अलग अलग रुपमा जारी गरिएको प्रेस बिज्ञप्तीमा संघीय लिम्बुवान राज्य परिषद्(सन्जुहाङ समूह)का कार्यकर्ताहरुले अभियानको नेतृत्व गरिरहेका राजमोका केन्द्रीय उपाध्यक्ष वीरबहादुर गोलेलाई अपहरण गरी आफ्नो कार्यालयमा लगेर कुटपिट गर्नुका साथै टोलीसँग रहेका झन्डा,व्यानर,माइक र पोष्टरहरु समेत लुटेको र राष्ट्रिय जनअभियानको १२ औं दिन प्रशाको विरगन्जमा कार्यक्रम गरिरहेको अवस्थामा पार्टीका वरिष्ठ उपाध्यक्ष तथा सभासद् रश्मिराज नेपालीको नेतृत्वमा रहेको अभियान टोलीमाथि मधेशी जनअधिकार फोरम उपेन्द्र यादव समुहका कार्यकर्ता द्वारा गरिएको आक्रमण लाई पराजयको पराकास्ट,अतिवादी-साम्प्रदायिकतावादी र विखण्डनबादी तत्वहरुले राष्ट्रजोगाउन टाउको मा कफन बाँदेरहिडेका नेपाल आमाका सच्चा सपुत हरु माथि हमला गर्दै राष्ट्रिय झण्डा समेत च्यात्नुले देसद्रोहीको परिचय उनिहरु आँफैले दिएको घटनाले झन आफ्नो जन-अभियानको महत्व र आब्श्यक्ताको औचित्य अझ बडी बडेको महसुश आम सर्वसाधारणको बुझाई रहेको भनिएको छ।

यूएईमा ११ वर्ष देखी कार्यरत समाजसेवी तथा ब्यबसायी यूएई नेपाली एकता समाजका महासचिव ध्रुव कुवरलाई संघसस्था द्वारा बिदाइ

उमाकान्त पाण्डे गाउले-२ जनवरी २०११-दुबई-रोजगारीको शिल्शिलामा सम्युत्त अरब एमिरेट्स यूएईमा बिगत ११ वर्ष देखी कार्यरत समाजसेवी तथा ब्यबसायी धुर्ब कुवर लाई सम्मान गर्दै बिदाइ गरिएको छ । नयासाल २०११ लाई स्वागत गर्दै यूएईको बर दुबई स्थित काठमान्डौ हाइल्यान्ड रेस्टुरेन्टमा बिभिन्न संघसस्थाले सयुत्त रुपमा एक कार्यक्रमको आयोजना गरी कुवरलाई दोसल्ला ओडाएर प्रशम्शा पत्र द्वारा सम्मान एवम यूएई देखी बिदाइ गरेका हुन।

यूएईको जेष्ठ नेपाली संचार सस्था नेपाली समाचार केन्द्र यूएई,यूएई नेपाली एकता समाज तथा नागरिक सेवा समाज यूएईले सम्युत्त रुपमा एक कार्यक्रमका बिच सम्मान गर्दै स्वदेश फर्किने क्रममा रहेका समाजसेवी तथा ब्यबासयी धुर्व कुवर लाई बिदाइ गरेका हुन ।

Left Right Kadam Badhau - Jeevan Sharma

मित्रशक्ति सम्बन्धी धारणा : एक संक्षिप्त चर्चा – मनोज भट्ट

नेपालको वाम आन्दोलनमा शुरुदेखिनै मित्रशक्ति कसलाई मान्ने बारे भ्रान्त धारणा रह्यो । यो भ्रम 2028 सालसम्म कायम रह्यो । मित्रशक्ति सम्बन्धी गलत धारणाको परिणाम वामआन्दोलन थुप्रै भट्कावहरू सिकार हुनुपÚयो । नेपाल कांग्रेस जनवादी क्रान्तिको मित्र शक्ति हो भन्ने गलत धारणा थियो । कांग्रेसलाई मित्रशक्ति मान्ने गलत धारणाका कारण पार्टी भित्र कांग्रेस परस्त प्रवृत्ति हावि हुन पुग्यो, त्यसका साथै तेश्रो महाधिवेशनले राष्ट्रिय प्रजातन्त्रको संशोधनवादी कार्यदिशा अपनाउन पुग्यो । न्यूक्लियस र चैथो महाधिवेशनले त्यो भ्रान्त धारणालाई पहिलो पटक परिवर्तन गरी नेका मित्रशक्ति नभएर सामन्त, जमिन्दार, विदेशी दलाल, नौकरशाही पूँजिपति वर्गको प्रतिनिधित्व गर्ने प्रतिक्रियावादी पार्टी हो र यो क्रान्तिको दुश्मनशक्ति भएको विश्लेषण अघि साÚयो । त्यसपछि नेपालको वामआन्दोलन भित्र करिब सबै समूहले नेका प्रति चैथो महाधिवेशनले गरेको विश्लेषणलाई स्वीकार गरेको अवस्था छ ।

सङ्घीयताका विरूद्ध घोषणापत्र

(२०६६ चैत्र ४ गते सङ्घीयताका विरुद्ध राष्ट्रिय अभियानका तर्फाट आयोजित

सङ्घीयताका विरुद्ध राष्ट्रिय अधिवेशनमा प्रस्तुत र पारित)

 २०६२-६३ को आन्दोलन पछि नेपालमा ऐतिहासिक महत्वका कैयौं ठूला उपलब्धिहरू भएका छन्, जसमा राजतन्त्रको अन्त, गणतन्त्रको स्थापना र संविधानसभाको चुनाव विशेषरुपले उल्लेखनीय छन्। गणतन्त्रको स्थापना भएपनि त्यसलाई सुदृढ र संस्थागत गर्ने काम बा“की छ । देशको राष्ट्रियताका अगाडि गम्भीर सङ्कट उत्पन्न भएको छ । त्यो अवस्थामा राष्ट्रियताको रक्षा आजको ऐतिहासिक दायित्व बन्न गएको छ । सङ्घीयता आज सम्पर्ूण्ा देश र जनताका लागि ठूलो खतरा बनेको छ । सङ्घीयताको साथै जातीय राज्य, आत्मनिर्ण्र्ााो अधिकार, एक मधेश-एक प्रदेश, बहुराष्ट्रिय राज्यहरू जस्ता घातक धारणा जोडिएर आएका छन् । तिनीहरूबाट देशमा जातीय र क्षेत्रीय द्वन्द्व बढ्ने, राष्ट्रिय विखण्डन हुने र अन्तमा नेपाल राष्ट्र र नेपाली जातिको पनि अन्त हुने गम्भीर खतरा उत्पन्न भएको छ । त्यसैले गणतन्त्रको सुदृढीकरण, राष्ट्रियताको रक्षाका साथै सङ्घीयताको विरुद्धको सङ्र्घष्ा आज राष्ट्रिय र ऐतिहासिक कर्त्तव्य बन्न गएको छ । त्यस प्रकारको ऐतिहासिक पृष्ठभूमिमा २०६६ साल चैत्र ४ गते सङ्घीयताका विरुद्ध राष्ट्रिय अभियानका तर्फाट आयोजित सङ्घीयताका विरुद्ध राष्ट्रिय अधिवेशनले निम्नप्रकारको सङ्घीयताका विरुद्धको घोषणापत्र जारी गर्दछ ।

नेपाली युवाहरूको विदेश पलायनबाट उत्पन्न समस्या काशीनाथ पोख्रेल

आजनेपालको युवा जनशक्तिको मुख्य ध्यान वैदेशिकरोजगार तर्फ केन्द्रित हुंदै गएको छ। सरकारी तथ्यांक अनुसार दैनिक ७११ जना नेपालको एयरपोर्टबाट बाहिर जान्छन् भने भारत भएर विदेशजाने र भारतमा नियमितरूपमा जाने युवाजनशक्ति यथावत छ। युवाहरू देश विकास सामाजिक सम्यता,आर्थिक उत्पादन र राजनैतिक संघर्षका आधार स्तम्भ एवं मेरूदन्ड हुन्। जुन मुलुकका युवाहरू आफ्नो मुलुकमा बसेरश्रम,सिप क्षमतालाई प्रयोग गरी उत्पादनमा सहभागीता, सांस्कृतिक सामाजिवक वैचारीक चेतनामा वृद्धि र हरेक न्यायपूर्ण तथा राष्ट्रिय स्वभामावताको आन्दोल्कनमा आफुलाई समाहित गराएका हुन्छन् ती मुलुकहरू आर्थिक रूपमा मात्र नभएर सभ्यता,प्रविधि,सांस्कृतिक रूपमा नै सम्पन्न भएका हुन्छन्। युवाहरूमा हुन् विद्रा्ेही स्वभाव र परिवर्तन प्रति आकांक्षाका कारण शोषण, उत्पिडन र पराधिनता विरूद्धको आन्दोलनलाई भौतिक शक्ति संघर्षको मुख्य आन्दोलनलाई  उचाइमा पुग्ने गर्दछ। 

युवा तिमि

युवा तिमि
रास्ट को ढुक ढुकी
टुहुराका मित्र हौ तिमि
अन्धकारका आखा हौ
गरिबको सहारा हौ
बिर्र्धा हरुका लाठी हौ
अन्याय अत्त्यचारका बिद्रोही हौ
इतिहास फेरिदिने युवा हौ तिमी
बिश्यो साम्राज्यबाद माथी बिजय प्राप्त गर्ने
राष्टीय मुक्तिका अग्रदुत हौ तिमी
तिमी कहा छौ युवा तिमी कहा छौ
सुर्य हौ बादलमा नलुक
इतिहास फेरिदिने हतियार हौ युवा
लडाई का सिपाही हौ बारुदको अणु
राष्टको ढुकढुकी युवा तिमी
ठुलो संघर्स गरिसक्यौ हर्नामन
नमुना पनि हौ युवा तिमी बूढो नमन
लेफ राई ट् कै तालमा ताल मिलाउ
गहना हौ युवा तिमी जीवनका
नया जनबादी क्रान्तिका
ससमानित सिपाही हौ